Q版健康 – 自己攞黎

坐在床上邊看書邊拉筋，隔離醫生正在解釋報告予病人知道，感覺似在偷聽，但由於房間寧靜，所以大家都聽到醫生的說話。

內容大約...淋巴化驗結果良性，病人頓時興奮得大叫起來。 醫生亦好攪鬼，回應：唔好咁開心住，您個胃有點問題呀。

醫生接著問了連串問題：X小姐，您平日係咪好歡喜食自助餐?通常一餐您會食幾乘飽?幾耐做一次運動?通常做咩運動?就回答這幾個問題，X小姐用了八分鐘去講解那裡有特色及好味的自助餐; 她反問了醫生一下：點解醫生您會問人食野食幾乘飽?

食野就係因為餓先食，咁都既然係餓啦，就梗係要食飽佢啦。至於食助餐，每次我都成功超額完成。

做運動…做運動，上一次應該是讀書上體育課時有做過。 我認為那位小姐的回答十分精彩，差點想拉開布簾看看醫生那刻的反應，果然，醫生停了兩秘繼續用心地去講解給為X小姐知道她胃部的括約肌已經鬆弛了，有部份原因是長期受壓，吃得太飽。

醫生建議每次吃六乘飽，小姐立即問：咁另外果四乘幾時先食得?

只聽見醫生細細聲『吓?』左一下，之後繼續談到小姐膽固醇超標，建議她多做運動，例如坐巴士可選擇早一至兩個站落車，步行到目的地；放假不要坐那麼多，周圍行下睇下，再加上每餐食六乘飽，就可以透過做運動去控制到病情不用依靠藥物控制。

小姐大聲回應：嘩，咁辛苦，醫生不如您直接開藥俾我啦，大家都唔駛做咁多野! 我內心都非常欣賞那位醫生，他整整用了接近25分鐘去講解及勸勉病人，只是，健康身體又有幾多人會珍惜呢?

<曾子怡撰文之Q版健康系列>

如果想知更多健康生活小貼士, 記得訂閱 [Sonia亞桑]Channel, 同埋要hit the notification bell, 咁就收到最新消息啦，Click in: https://bit.ly/34H3Gfx