髂腰肌過緊

【#髂腰肌過緊】髂腰肌係咩黎?? 簡單講, 可以理解為佢將脊椎同大腿連接埋一齊，主要負責抬腿嘅動作。所以你就唔難諗到, 當髂腰肌過緊, 身體大致上會有咩情況出現, 下背同腿部特別容易感到肌肉酸痛，由於肌肉欠缺彈性及血液不太循環嘅關係。髂腰肌係非常之強壯有力, 不過佢身處位置比較深層，所以平日都比較少會伸展到佢。通常長期姿勢不正確及久坐者就會特別容易有髂腰肌太緊嘅情況出現。
髂腰肌過緊有機會出現以下情況：
-腰酸背痛
-抬腿時酸痛
-腿部水腫
今次介紹呢個弓部伸展所有人都可以做架, 要注意嘅係盡量用毛巾墊膝蓋, 可以減輕膝蓋受壓力度。

動作：
1. 左/右腳在前屈曲, 要注意不要超越膝蓋
2. 後腳自然彎曲膝蓋至腳面著地
3. 腰部挺直, 用手按住前腿, 用上身力量向前壓
4. 此刻會感到大腿與髖部的伸展
5. 注意呼吸, 姿勢保持30秒, 左右腿輪流進行
6. 左右腿各做3-5次
#腰酸背痛 #水腫 #瘦腿 #血液循環