Sorry, you need to enable JavaScript to visit this website.
移至主內容

伸展運動注意事項, 示範比你睇

2H - 伸展運動注意事項, 示範比你睇

好多時我哋做伸展運動,都會諗邊有野要注意架?
邊有特別方法?點會有啱同錯?伸展咪即係拉筋!日日落公園見到婆婆公公都做緊嫁啦!
佢哋冇學過都識做,所以伸展應該冇技巧可言,呢啲諗法全部都錯晒! 好多時你只係想做伸展,而做伸展嘅原因係想身體健康,但係好多人都會響伸展運動過程之中受傷,受傷嘅原因包括係拉傷肌肉或者係扭傷。

點解明明諗住身體健康,但係都會越做越差呢?
有朋友試過,佢話越做越沮喪,因為以前冇做伸展運動,都冇咁多周身骨痛!點知做咗幾年伸展運動,每日都做,之後就發現周身骨痛,尤其是關節會有疼痛出現。

立即網上購物:www.2h-store.com

如果想知更多健康生活小貼士, 記得訂閱 [Sonia亞桑]Channel, 同埋要hit the notification bell, 咁就收到最新消息啦,Click in: https://bit.ly/34H3Gfx

所以今次會同大家分享,響伸展運動過程之中,有好多小細節,我哋容易會忽略。
簡單如尋找一個合適嘅環境,好多時就算環境合適,不過我哋心情唔好,嗰個伸展運動都未如理想。所以要有好嘅環境,再配合放鬆嘅心情,成件事效果就會更加好。

時間都好緊要,如果你鍾意有日光嘅時間去做伸展運動,記緊要注意做好防曬,穿着合適嘅衣服、補水都好緊要,呢啲就係做伸展前要預備嘅功夫。
至於真正做伸展運動,我哋要注意做嘅時候身體係有輕微發熱嘅情況先至好做,換言之,即係要先做熱身,等身體肌肉預備好,你先做拉伸嘅動作,道理就好似我哋去拉一條橡筋一樣,如果條橡筋好凍,你拉伸佢嘅時候,橡筋好容易斷。

條橡筋嘅比喻就等於我哋身體入邊嘅筋膜,所以我哋要先做熱身,再做拉筋,片中示範拉筋嘅動作,通常我哋響公園玩見到好多長者都會轉動關節,我哋唔太建議轉動關節,因為當你每日都轉動關節,重複呢個動作嘅話,就好容易令到關節之中嘅軟骨組織受到磨損,最後得不償失,就會變成周身骨痛。
另外今集都會提到,究竟每個伸展需要維持時間大約幾耐?

因為好多時我哋都唔知道,一個動作需要維持幾耐?而時間大概超過20秒為之最好,所以好多時伸展動作只係維持5至10秒,我哋就會發覺伸展嘅功效唔大,自此之後做唔做伸展。 希望今集帶比大家嘅訊息,係可以好安全咁去做伸展運動,同埋學懂要注意嘅地方,當我地每人都努力去做伸展,久而久之都可以達到減肥嘅效果。