肌不可失!

肌不可失!
當後生果班人人都講減肥,咁我地預備,又或者已踏左半隻腳仔落去人生下半場嘅朋友仲減肥? 定係除左減肥有另一樣更加重要嘅任務? 就係要KEEP….肌!
每個人的肌力平均在45歲之後就逐漸減弱,當然人人不一,要視乎你45歲之前嘅運動習慣而有所變化。根據統計數字,如果係一位健康嘅老友記,年齡大約在65-80歲之間,平均每年肌力會下降1-2%,可能你會問,肌力減弱即係會有咩影響? 有咩可以令肌力減得慢一點?
肌力減弱會帶來嘅影響:

  • 肌肉協調度
  • 關節靈活度

以上兩樣都會對身體平衡反應帶來影響,如果減低肌力流失,都會有肋減少由跌倒導致的受傷及骨折情況。
適當的運動絕對有助於增加肌力及維持關節的靈活度,除此之外,運動亦可消耗熱量,幫助控制體重。
當老友記做運動時有什麼要留意:
- 選擇適合自己,身體可以負荷得到的運動,例如:急步行、慢跑、輕量級登山及游泳也是好選擇
- 每星期建議可以運動3-4次,每次大約30分鐘
- 運動強度,簡單就用心跳去做比喻,理想是60-80%之間,計算方法亦很簡單:
(220-年齡)×60% -(220-年齡)×80% 之間,以60歲為例子,
(220-60)×60% 至(220-60)×80%,心跳率就應該在每分鐘96-128下之間。
- 運動之前不要懶,要有10分鐘的暖身運動,可用快步取代
- 運動後不要一下子停下來,可加5-10分鐘慢步,讓心臟慢慢適應
- 運動後記得補充水分
- 吃飯後一小時內不建議立即進行劇烈運動
- 如果本身有其他病症例如:心臟病、高血壓等,記緊先諮詢醫生意見才進行
可能你還未登『陸』,亦未入『伍』,不過亦唔需要等到人生下半場先做運動,早些少建立這個習慣吧,真的機不可失。
 

About the Author