Q版健康 – 跑到盲腸炎?

一年一度的港鐵競步賽又黎到，時間過得真快，對於熱愛跑步的我來說，競步真的出奇地難，發現全身未能協調，扭來扭去都不是。

上星期終於的起心肝，恢復練習，好在有一大班同事一起參與，練習時間晚上七點，放工時趕緊到運動場附近，為左要爭取時間，亦由於我太肚餓，所以忍不住吃了一大碗麵。

熱身過後便開始出外行圈，行了一圈內心就有點後悔，因為腹間不停抽搐著痛。 記得老人家常說，食飽飯唔好跑跑跳跳，否則就會盲腸炎嗎? 您相信這是事實嗎?

其實我細個時，媽媽都解釋得好似好有道理，佢話如果我再跑，D飯唔小心跌左入盲腸，就會盲腸炎架啦! 唔知您又信左幾耐，起碼我都信左十幾年，直到大個先知道，原來引發盲腸炎的主要原因竟然不是食完飯做運動。 咁點解響坊間一直流傳呢個講法呢? 估計係因為大家對於飯後做運動試過腹痛的一個誤解。

講返正題，腹間勁痛那一刻，我不禁覺得自己好蠢! 其實飯後，腸胃係需要大量血液去幫助消化，而做運動就係四肢需要血液，換言之，我食完碗麵立即去做運動就等於腸胃同腳仔鬥搶血。當腸胃唔夠血時，自然就會抽搐，呢個亦只係身體發出一個警告，目的係要我地停止運動。

我會提醒自己，下次唔好咁趕，又或者再提早食個下午茶先。

<曾子怡撰文之Q版健康系列>

如果想知更多健康生活小貼士, 記得訂閱 [Sonia亞桑]Channel, 同埋要hit the notification bell, 咁就收到最新消息啦，Click in: https://bit.ly/34H3Gfx