Q版生活 – 不是專業只要堅持

最近一年開始返跑步，天冷去跑、天熱去跑，有時早上、有時夜晚去跑，最近…中午去跑。
 
發現身邊有不同的聲音：

• 唔凍咩? 咁大風
• 咁曬跑…唔怕黑咩? 有雀斑喎
• 跑步，唔悶咩?
• 冇左個食飯時間，值得咩?
• 咁樣跑，為咩呢?
• 響公司換衫，背心加短褲，再經過工廠區去跑步，唔怪咩?

 
 
之前參加了全香港人都參加的渣打馬拉松，很多同事都報名10公里，我都一齊報。跑步途中我不斷尋覓同事們，見到了，便大叫一聲『加油』! 看見有人鞋帶鬆了忍不住拍拍他膊頭跟他說，經過太古城附近，看見行人天橋有很多途人打氣，又忍不住大力揮手多謝打氣。整個過程我都非常享受，只要跑到自己心目中的時間就是了。
 
比賽完了，發覺最多人問：『您咩時間?』
我便答：56
隨即反應：『下? 您唔係成日練跑嘅咩?』
我內心想…即是代表什麼? 我跑得太慢?
 
 
我想講句：我不是專業；但是…
我很享受過程，這是一個訓練的過程，要堅持去做一件事，原來是很難的；但可克服自己的心魔，會令您很興奮!
 
這個非專業的自我訓練，可以答您，過程會流汗、會曬、是辛苦的。
 
我盡量每次有跑步比賽都帶同小Q一起去，渴望她亦感受到當中的氣氛，有一次，我十分『符碌』地得到第六名，嘉賓頒獎時跟我說：囡囡跟您一齊得獎喎! 然後將獎牌放在小Q頸上。小Q偷偷在我耳邊說：媽媽，我好開心，要同您一齊跑步呀!
 
如果您都做運動的話，您會明白我想表達的意思，現在每次跑步我都會跟其餘的跑友打個招呼、揮揮手，因為我欣賞他們。
 
大家並非做到專業跑手的時間，但至少…您們的『堅持』非常專業!