Sorry, you need to enable JavaScript to visit this website.
移至主內容

Q版生活 – 天真Q

最近認識了一位家長,閒談間她跟我說:我不要自己做怪獸(本來我心裡都認同呢句),所以我唔似其他人咁,我只會揀屋企樓下嘅幼稚園俾囝囝返。
 
我內心諗:其實唔響屋企樓下讀幼稚園又唔等於係怪獸嘅,好彩佢冇問亞Q響邊樹讀書,咪佢實會鄙視我。
 
又有一次,遇到一位跳舞班的家長,我就問她,會否俾囡囡繼續跳? 她回答:唔再跳啦! 正常我都問返句:點解呀? 她說:其實我個女都唔鍾意跳舞,家下攞左張cert,可以唔跳啦。
 
平日都叫轉數高嘅我,真係down機2秒。
 
感激上天將天真Q賜左俾我,我天真到,會問佢鍾意學咩先幫佢報名學,佢好想跳hiphop,好想唱歌,鍾意練習跑步,所以佢個時間表入面都係呢幾樣。
 
我天真地想:希望我地大家都可以保持呢份純真,做人其實走向兩邊太極端化都不是好事。
 
由小孩出世那刻,其實已經等同於入了樂園,所以要跟遊戲規矩,入場門票點都要有,情況跟現實一樣,您會見到有人拖緊小孩四圍跑,務本要盡快玩晒所有遊戲,您亦可選擇悠閒地玩喜歡玩的遊戲。
 
有沒有孩子都好,希望在低頭急速的生活中,您都可以樂活地享受人生。
 
 
<曾子怡撰文之Q版生活系列>