Q版生活 – 我是怪獸家長

昨天收到一個whatsapp，對答趣怪。
友人: 喂，今日您點呀?
我: 都唔錯，剛參加左一個分享會，識左好多新朋友，場地又幾靚，我未去過果樹添。
友人: 唉呀…唔係問您呀!問您個女呀
我: 啊，原來係咁，多謝關心，佢已經退左燒，食多2日抗生素就掂。
友人: 激死我啦，唔係問佢有冇發燒! 您個女今日派成績表呀，佢考成點? 最後一年有冇獎攞?
回家途中，一邊想一邊笑了出來，派成績表都懵然不知。吃過晚飯後打開成績表一看，呀～心想成績都不錯，有A又有B，5歲人仔，仲想點?
女兒在幼稚園的3年裡，雖然從未拿過什麼學術成績獎項，但我回想我從幼稚園直到大學原來都未曾攞過獎，除了每年運動會的獎牌、書法比賽亞軍之外，我又笑了出來。
不禁想起：你的日子如何、你的力量也必如何 (申命記33:24-25)
 
教育小孩，沒有對與錯，不過我相信家長性格怎樣，不知不覺，小孩也會跟您一樣。
 
<曾子怡撰文之Q版生活系列>