Q版生活 – The City Is Not Dying

連開了六個會，返回房間，再望望手錶已是五時四十五分有多了，彷彿什麼也沒做過似的，發狂地…渴望用多十五分鐘去完成半天的工作(真係發夢~)；三魂七魄都未齊時，還有半小時就要出席另一講座，立即拿起袋飛奔落樓，上天實在對我太好，司機正在等候我。
 
感激地上了車，抖了啖大氣，司機叔叔還回頭報以一個微笑：慢慢，唔駛急!
 
的士一直前往目的地，我收起電話預備打開銀包，突然發現銀包不在袋裡，心跳立即加速，徬徨的樣子應該被司機叔叔發現了。
 
他問：咩事呀小姐…?
 
我緊張到連續講了四次對唔住，銀包應該漏了在寫字樓，倘若折返寫字樓又會遲到，怎辨?
 
司機叔叔：唔駛驚，下次見到面再俾返我啦!
 
“下? 咁唔得架，不如我寫低您電話，再約您好嗎?”
 
司機一面開車一面微笑著： “唔好，如果真係見唔到面，今次就我請您囉!”
 
我記起在袋子裡一直都會放些coupon，就開始問叔叔，我想請您飲湯可以嗎?
“請我飲湯? 咁樣唔好意思嘅，我點可以要您請我飲湯?”
 
….(用了3分鐘努力遊說司機，出盡法寶，最後成功了，當我下車時，他還像爸爸一樣叫我慢慢唔好急，要小心，仲多謝了幾次)
 
The city is dying?
如果冇左香港人精神，就係。
 
 
<曾子怡撰文之Q版生活系列>