Q版生活 - 搵食艱難

某天，一位好友請我到又一城下午茶聚，這品牌的下午茶也甚有名，我當然不客氣地柯打了一個tea set。
蛋糕先來，名不虛傳，享受之際，咖啡送到。有位侍應生迎過來，念念有詞: 「好滿呀好滿呀好震呀瀉晒啦～」

她原本想放下那杯瀉晒嘅咖啡，咖啡碟全是倒瀉了的咖啡，我忍不住都細細聲同佢講: 唔好意思，請問可以換過另一杯嗎？

她露出失望的面容，勉強把咖啡拿走了原本以為她會拿入水吧，估唔到佢攞左杯咖啡去另一個位置，我們眼看住佢用手指抹了杯邊嘅咖啡漬。

她用心地抹，要倒左碟上嘅咖啡落毛巾，大約4分鐘後佢再次拿著同一杯咖啡到我們面前。

佢呢個行為有點驚為天人，我都忍不住直接跟她說: 唔好意思，可否換過另一杯？
她嘆了一口氣，失落地返回水吧。
友人反問:為何不直接跟經理反映？唉，只嘆一句:搵食艱難，無謂打破人家飯碗。

零售業畢竟難請人，家下人揀工，工等人。
如何保持到優質嘅服務水準？
今時今日，客人要求遠遠不同，如果您遇過真心真意嘅服務，不要保留，不妨開聲讚揚他們一下。

<曾子怡撰文之Q版生活系列>