Q版管理 – 怪獸經理
打工仔A:唉…我個經理勁恐怖,跟著佢真係喪慘呀
打工仔B:下? 您肯定唔夠我慘呀,講黎聽下有幾喪?
打工仔A:我每次出memo之前都仲要俾佢睇左先,跟住佢好似老師改簿咁,用紅筆圈起佢覺得嘅錯處,之後叫我入房,用成粒鐘講俾我知幾時用 “,” “;”同埋 “。”,我問您死未?
打工仔B:啊,咁我真係慘過您啦,您都叫做有人幫您改功課,我果個經理日日都出左去玩,我地做好晒D野,要等佢返黎簽個名都等到頸都長埋。
究竟A慘定B慘?
可能您睇完就會話,您係C,其實您先係最慘。
香港唔知由幾時開始,變得全街都係怪獸? 有怪獸家長、怪獸學生、怪獸下屬,家下仲有埋怪獸上司添。
我唔識、亦唔敢評論究竟點先係怪獸經理,因為我每日都仲學習緊,只係會提醒自己唔好變左隻怪獸,以下係小小秘訣…
- 做主管唔好咩都管,經理嘅任務係整合團隊,給予同事機會學習成長
- 有功時,提自己要後退一步,掌聲歸同事
- 有錯時,行前三步去負責
- 態度往往決定高度,先調整好團隊的態度,事自然會成
- 真心的指責>鼓勵>贊賞,會帶來動力
- 「快快地聽、慢慢地說、慢慢地動怒」雅各書1:19
希望您跟我一樣,繼續享受學習嘅過程。
<曾子怡撰文之Q版管理系列>