一個小工具趕走腰酸背痛, 幫你坐住打造核心力量

寒背、蹺腳、腰酸背痛加大肚腩，有邊個想?
奈何日日坐響office, 一坐就坐足8小時，久坐、寒背、蹺腳，以上種種都係引致腰酸背痛嘅凶手。響網上曾經見過有外國/日本公司，用左fitball比同事代替椅子，等佢地坐住都可以訓練一下核心肌肉，簡單黎講係比佢地郁動。至於香港，我相信冇咩公司會提供呢個服務比同事啦，唔怕，今日教大家一個超簡易自救方法吧。
首先，如果情況容許下，盡量每日比自己半奏時間轉一轉櫈坐，轉咩櫈? 平價硬櫈，冇椅背的，挺直背坐，開始時就算坐半小時都會感到吃力，何解? 因為當你挺直背坐就會動用緊腹部及核心肌肉, 所以感覺是連續做了半小時運動，攰係理所當然嘅。
除左換櫈，仲可以加一個小工具響張櫈上面，就可以有少少fitball感覺，亦同時可加強腰背訓練。小工具就是常見的露營吹氣枕頭!