個Bra都有菌?

【#個Bra都有菌】
英國有研究發現，平均我地著左一年嘅內衣褲，明明每日都有洗，但係竟然仲有超過70%係有細菌存在; 呢啲病菌，係我地肉眼睇唔到架!
響美國皮膚兼病理專科醫生Dr. Gretchen Frieling發現，有可能隱藏響我地BraBra嘅常見微生物，包括：金黃色葡萄球菌Staphylococcus, 而佢亦係響我地皮膚上最常見嘅。
有另一種細菌Corynebacteria,  有機會引起痤瘡, 即係如果妳發現響brabra覆蓋位置附近出現粉刺，就係一個訊號話你知, 係時候要換新嘅brabra啦。
家下天氣咁熱, 我地每日出街都勁大汗，好明顯brabra首先會吸晒我地嘅汗水, 變得好潮濕，有咩問題? 潮濕係酵母菌Yeast最歡喜嘅環境, 佢地就會開始滋生，令我地有汗斑甚至係皮膚炎。
仲有, 唔講唔知, 原來每次著同除brabra時，就會有好多死皮屑跌落佢表面, 據美國皮膚科醫學會稱，我地每日估計胸部會掉損至少3-4萬個皮膚死細胞。

講左咁耐, 究竟幾時要換BRA? 當你發現...
1. 成個CUP位移左
2. 肩帶鬆左
3. 胸或背部有壓痕，開始有紅同埋癢
4. CUP位鬆左
係時候去濕平, 換過批新嘅brabra啦!