唔食早餐肥快D?

講左咁耐，你有開始食早餐未? 
冇時間? 遲起身? 想減肥?
食得聰明一點，食左就健康過唔食啦!

唔食早餐5大壞處：
1. 影響代謝：身體有如一個火爐，如果長期冇咩火燒嘅話，即係體溫降低，就會變得死氣沉沉，冇晒精神，講句野都冇氣架啦。咁樣抵抗力點會好? 有冇發現響office有種同事真病? 真係每個月都會病，成日感冒、發燒咁。
2. 對於血糖控制有影響，如果長時間空腹，食午餐時血糖容易急速上升，胰島素又會分泌多左，成個過程最後會令脂肪囤積
3. 冇野落肚，身體就會感覺處於飢餓狀態，到你食下一餐時佢就偷偷儲定多D貨，咁就有可能食多左啦
4. 唔食早餐令你營養唔均衡
5. 腸道蠕動減少，毒素留在身體時間都長了

當然，唔係講緊每朝都食個full set breakfast都可以減肥，我地係要食早餐，要學習食得好一點。

好多朋友話早上一起身唔肚餓所以食唔落，以下介紹一下輕食早餐：
1. 燕麥片+乳酪
2. 三文治+蔬果汁/豆漿
3. 水果一個

希望大家食好D，早餐都可以補充優質蛋白質、維生素、礦物質及水分。