打不停的喊露

【#打不停的喊露】#打哈欠 身邊總有個人, 鐘意不停打喊露, 有冇咁攰呀? 有冇諗過呢個有可能係身體同你講野, 亦可能係某啲病嘅徵兆?

喊露成日一打打不停, 有機會要留意一下以下3個可能性:
1. 頸椎問題
頸椎係身體重要部位, 大家都知道如果頸椎出現問題時, 我地就會有手部麻痺感覺, 頸椎亦有可能影響腦部血管的供血, 當大腦缺血或供氧不足時，就會令我地不停打喊露。

2. 心血管病
講到大腦缺血或缺氧, 大家一定聯想到心臟, 因為當心臟嘅供血功能下降，都會令大腦缺血缺氧，容易令人出現密集性打喊露。

3. 腦中風
如果動脈粥樣硬化, 即血管彈性開始下降時，會令流向大腦嘅血液量減少，我地就開始不停打喊露。有臨床觀察發現，有60-80%嘅中老年腦中風患者，響發病前5-10天內，都會出現密集性打喊露時就要留意啦。

記得又唔好過份緊張, 唔好一打喊露就變得好驚, 因為有時我地心理及身體處於好緊張嘅狀況時, 會產生大量二氧化碳, 我地要靠打喊露將二氧化碳排出,而過多嘅二氧化碳聚積就會令我地有好攰嘅感覺。
#打喊露 #腦中風 #頸椎