致唔關我事同事

今期推介返，響扮工室入面另一極品，佢個名叫做『唔關我事』，有趣之處係，有時你連個問題都未講完，佢就會好快咁答你：唔關我事!

唔關我事大約分類：
1. 推JOB型唔關我事：有種同事每日返工都好似好忙咁，可能係忙網購、訂民宿去旅行、搶平機票等，所以佢唔單單你問佢野佢會話唔關我事，佢地層次係高到一個點，夠膽死將佢自己份內事都推埋比你做。

2. 堅HEA型唔關我事：有時望見佢地都登佢辛苦，每日返黎望住個電腦螢幕，無論你行過佢個位幾多次佢都好似百無聊賴咁，你唔好理，總之佢HEA爆都好，都仲會講句唔關我事。

3. 無辜型唔關我事：呢款有時會有真無辜同假無辜，真無辜型有時係衰在佢有一個咩都要威嘅老細，響出面咩都話得，結果個個搵佢，佢就堅無辜啦。假無辜型唔駛多講，成日扮到好慘情咁，唔去演藝任教就嘥晒。

4. 串咀型唔關我事：又串咀又黑面態度又差嘅，呢款真係好想揼佢，成日大大聲唔關我事，呢個應該係性格問題，根本上呢種性格嘅同事係唔helpful，所以講咩都冇用。

極品，總有一款響左近，大家都應該感受過型唔關我事嘅討厭，天真地想，如果大家都行前一小步，世界就變得美好得多了。