Q版生活 – 絕世好工
友人甲份工包全家醫療,仲講緊係入私家醫院果隻。
友人乙份工每年有旅遊津貼,冇錯,係去旅行都有津貼,公司有canteen,有免費午餐,3餸一湯白飯任添。
友人丙份工,包小孩入讀國際學校。
可惜的是,以上友人全部高呼希望盡快過完年等住要轉工,何解?
她/他們理應沒有夾過口供,但口吻極似:
1. 唉,咁好福利,都冇命享
2. 我要湊果個老闆...唉...您唔明架啦~
3. 唔駛錢讀書又點?我連返屋企見小朋友嘅時間都冇
友人丁: 以上佢地提及過嘅福利都冇,天天自得其樂。
做人做事,正所謂:『您睇我好我又睇您好』,在其位應做好其事,不需過於羡慕他人,因為每人可承受的壓力不一樣,所以際遇自然不同。
活在當下,盡心盡力做好每件事,心中自然富有。
<曾子怡撰文之Q版生活系列>