自然養生 - 點解我會成日病？

以前一年總會傷風感冒3、5、7次嘅我，不斷諗點樣唔會成日病？終於跑咗去讀中醫，結果仲讀上癮！今次，「杜法自然」首次喺網上平台同大家見面，就係將我本人合乎自然養生嘅方法同大家分享下！ 根據世界衛生組織調查話，每個人嘅健康與壽命取決於： 60% - 自己，如生活方式、個人情緒；15% - 阿爸阿媽遺傳因素； 15% - 環境因素，如水質、空氣質素；10% - 社會因素，如政治穩定程度 所以，撇開我地控制唔到嘅因素，理論上我地係有能力令自己病少啲，或者病咗都好快啲。首先就係要諗辦法令自己開心，原來幾千年前嘅黃帝內經都話，內在情緒真係影響健康。所以今次見面禮就介紹一款開心茶俾大家： 花旗參 6片 杞子 10-12粒 玫瑰花 6粒 白杭菊 4-5粒 用隻靚靚地嘅暖杯，用大滾水焗5-10分鐘。 睇住一朵朵玫瑰花浮喺杯入面，唔單只有視覺效果，玫瑰花仲有舒肝開鬱作用。當然每個人體質唔同，但最啱女士們飲(特別係容易病嘅)，試完拿拿聲話我知，平時谷住嘅果度氣係咪舒暢啲！